Специјални безбедносни напомени за машина за сечење блокови од гасбетон

• Држете ги сите делови од телото подалеку од ланецот на пилата кога работи. Пред да ја стартувате пилата, проверете дали ланецот на пилата допира нешто. Кога работите со електричен алат, еден момент на невнимание може да резултира со тоа што облеката или делови од телото ќе бидат закачени од ланецот на пилата.

• Секогаш држете го електричниот алат со десната рака на задната рачка и левата рака на предната рачка. Држењето на електричниот алат во обратна работна позиција го зголемува ризикот од повреда и не смее да се користи.

• Држете го електричниот алат само за изолираните површини на рачката, бидејќи ланецот на пилата може да дојде во контакт со скриени струјни кабли или со сопствениот струен кабел. Контактот на ланецот на пилата со струјниот кабел може металните делови на уредот да ги стави под напон и да доведе до струен удар.

• Носете заштита за очите и маска за заштита од прав. Се препорачува дополнителна заштитна опрема за слух, глава, раце, нозе и стапала. Соодветната заштитна облека ја намалува опасноста од повреди од материјалот од сечењето што лета наоколу и ненамерно допирање на ланецот на пилата.

• Не работете со електричниот алат на скала, од покрив или на нестабилна потпора. Работата со електричниот алат на овој начин може да доведе до тешки повреди.

• Секогаш внимавајте да имате цврсто подножје и користете го електричниот алат само кога стоите на цврста, безбедна и рамна површина. Лизгавите површини или нестабилните површини за стоење може да доведат до губење рамнотежа или губење на контролата на електричниот алат.

• Носете го електричниот алат за предната рачка кога е исклучен, со ланецот на пилата насочен нанапред. Секогаш ставајте го заштитниот капак кога го транспортирате или складирате електричниот алат. Внимателното ракување со електричниот алат ја намалува веројатноста за ненамерен контакт со ланецот на пилата што работи.

• Следете ги упатствата за затегнување на ланецот и за менување на сечилото и на ланецот. Непрописно затегнат ланец може да предизвика кинење на истиот или да го зголеми ризикот од повратен удар на пилата.

• Сечете само аериран бетон. Не користете го електричниот алат за работа за која тој не е наменет. Пример: не користете го електричниот алат за сечење на метал, пластика, ѕид, земја, мраз и дрво. Користењето на електричниот алат за несоодветни работи може да доведе до опасни ситуации.

• Следете ги сите упатства ако отстранувате всисан материјал, ако го складирате или одржувате електричниот алат. Проверете дали е исклучен прекинувачот за вклучување/исклучување и да не е вметнат струјниот приклучок. Ненамерно допирање на електричниот алат при отстранување на всисаниот материјал или при одржување може да доведе до тешки повреди.

• Причини и избегнување повратен удар:
  – Повратен удар може да настане ако некој предмет го допира сечилото на шината-водилка.
  – Допир со врвот на сечилото во повеќето случаи може да доведе до неочекувана реакција наназад, при што шината-водилка може да скокне нагоре и во правец на лицето кое ја користи пилата.
  – Заглавувањето на ланецот на пилата на горниот раб на шината-водилка може брзо да го турне сечилото назад во правец на операторот.
  – Секоја од овие реакции може да доведе до губење на контрола врз електричниот алат и можни тешки повреди. Не потпирајте се само на безбедносните уреди вградени во електричниот алат. Како корисник на електричниот алат треба да преземете различни мерки, за да можете да работите без несреќи и повреди.
  Повратниот удар е последица од погрешна употреба на електричниот алат. Тој може да се спречи со соодветни мерки на претпазливост, како што е опишано подолу:

• Држете го електричниот алат цврсто со двете раце, додека палецот и прстите ги затвораат рачките на електричниот алат. Ставете ги телото и рацете во положба каде што можете да ги издржите силите на повратен удар. Доколку се преземат соодветни мерки, операторот може да ги контролира силите на повратен удар. Никогаш не пуштајте го електричниот алат.

• Избегнувајте неправилно држење и не сечете над висината на рамениците. Ова го спречува ненамерниот контакт со врвот на шината-водилка и овозможува подобра контрола на електричниот алат во неочекувани ситуации.

• Секогаш користете ги резервните шини, ланци и запчаници од производителот. Погрешните шини, ланци и запчаници можат да доведат до кинење на ланецот или до повратен удар.

• Придржувајте се до упатствата на производителот за одржување на моторната пила. Пренизок граничник за длабочини ја зголемува можноста за повратен удар.