Іске қосу
- Желі қуатына назар аударыңыз! Ток көзінің қуаты электр құралының зауыттық тақтайшасындағы мәліметтерге сай болуы қажет. 230 В белгісімен белгіленген электр құралдармен 220 В жұмыс істеуге болады.
Элект құралы қуат қоры жеткіліксіз немесе іске қосу тогын күшейтетін сәйкес кернеу реттегішімен жабдықталмаған электр генераторларынан қуат алса, қосу кезінде қуат төмендеуі немесе электр құралы әдеттен тыс әрекет етуі мүмкін.
Генератордың жарамдылығын, әсіресе, желі үшін жарамдылығын тексеріңіз.
Электр құралды қосу үшін сөндіргішті (2) алға жылжытыңыз, содан кейін басыңыз.
Басылған сөндіргішті (2) бекіту үшін сөндіргішті (2) одан әрі алға жылжытыңыз.
Электр құралды өшіру үшін сөндіргішті (2) жіберіңіз немесе бекітілсе, сөндіргішті (2) қысқа уақыт бойы басыңыз және жіберіңіз.
Бекітілмейтін сөндіргіш (елге байланысты):
Электр құралды қосу үшін сөндіргішті (2) алға жылжытыңыз, содан кейін басыңыз.
Электр құралды өшіру үшін қосқышты/өшіргішті (2) жіберіңіз.
- Пайдаланудан алдын ажарлау құралдарын қайта тексеріңіз. Ажарлау құралы берік орнатылып, еш кедергісіз айналуы қажет. 1 минут ішінде сынау жұмысын жүктемесіз орындаңыз. Ақауы бар, домалақ емес және дірілдейтін ажарлау құралдарын пайдаланбаңыз. Бұзылған ажарлау құралдары жарылып, зақымдарға алып келуі мүмкін.
(GWS 2000 J/GWS 2200 J/GWS 2400 J)
Электрондық бірқалыпты іске қосу жүйесі қосу кезіндегі айналу моментін шектеп, электр құралын бірқалыпты іске қосуға мүмкіндік береді.
Нұсқау: электр құралы қосылғаннан кейін бірден толық айналу жиілігімен жұмыс істесе, бұл бірқалыпты іске қосу жүйесінің және қайта қосылудан қорғаныстың істен шыққанын білдіреді. Электр құралын бірден сервистік қызметке жіберіңіз (мекенжайларды «Тұтынушыға қызмет көрсету және пайдалану кеңестері» тарауынан қараңыз).