Процес на мерење

По првото вклучување, мерниот уред е во функција на должинско мерење. По секое понатамошно вклучување, мерниот уред е во последната користена мерна функција.

За рефрентното ниво на мерењето достапни се три поставки. види Бирање на референтно ниво

По процесот на мерење ласерскиот зрак ќе се исклучи. За друго мерење повторете ја оваа постапка.

Измерените вредности и крајните резултати може да се собираат или одземаат.

Вообичаено, измерената вредност се појавува во рок од 0,5 s, а најдоцна по околу 4 s.

Времетраењето на мерењето зависи од растојанието, светлосните услови и рефлектирачките својства на целната површина. По процесот на мерење ласерскиот зрак автоматски ќе се исклучи.

Мерниот уред не смее да се движи за време на мерењето (со исклучок на функциите континуирано мерење и мерење на косини). Доколку е возможно, поставете го мерниот уред на цврста гранична или потпорна површина.

Приемната леќа (15) и излезот на ласерскиот зрак (16) не смеат да бидат покриени за време на мерењето.

Мерното поле зависи од светлосните услови и рефлективните својства на целната површина.

За подобра видливост на ласерскиот зрак при силно амбиентално светло, користете ги ласерските очила (27) (опрема) и ласерска целна табла (26) (опрема), или засенете ја целната површина.

Поради физички ефекти не може да се исклучи фактот, дека при мерењето на различни површини доаѓа до погрешно мерење. Тука спаѓаат:

• транспарентни површини (на пр. стакло, вода),
• површини што рефлектираат (на пр. исполиран метал, стакло),
• порозни површини (на пр. изолациски материјали),
• структурирани површини (на пр. груб малтер, природен камен).

Евентуално користете ја ласерската целна плоча (26) (опрема) на овие површини.

Можни се погрешни мерења и на косо насочените целни површини.

Исто така на измерената вредност може да влијаат и процепите за вентилација со различни температури или индиректно примените рефлексии.