Udhëzime sigurie për sharrat shpatë

Mbajeni mjetin elektrik në sipërfaqet e izoluara të kapjes kur kryeni punë ku mjeti prerës mund të godasë linjat e fshehura të energjisë. Kontakti me një tel të elektrizuar mund të bëjë gjithashtu që pjesët metalike të pajisjes të elektrizohen dhe mund të rezultojë në goditje elektrike.

Mbërthejeni dhe fiksoni pjesën e punës në një sipërfaqe të qëndrueshme me kapëse ose mjete të tjera. Mbajtja e pjesës së punës vetëm me dorën tuaj ose me trupin tuaj do ta lërë atë të paqëndrueshme, gjë që mund të çojë në humbjen e kontrollit.

Mbajini duart larg zonës së sharrës. Mos e kapni nga poshtë pjesën e punës. Ekziston rreziku i lëndimit nëse bini në kontakt me tehun e sharrës.

Kur punoni, mbajeni fort mjetin elektrik me të dyja duart dhe sigurohuni që të keni qëndrim të sigurt. Vegla elektrik drejtohet në mënyrë më të sigurt me dy duar.

Drejtojeni mjetin elektrik kundrejt pjesës së punës vetëm kur është i ndezur. Përndryshe, ekziston rreziku i goditjes nëse mjeti i aplikimit kapet në pjesën e punës.

Sigurohuni që pllaka bazë të jetë gjithmonë në kontakt me pjesën e punës kur sharroni. Tehu i sharrës mund të bllokohet dhe të çojë në humbjen e kontrollit mbi veglën elektrike.

Pas përfundimit të procesit të punës, fikni mjetin elektrik dhe tërhiqeni tehun e sharrës nga prerja vetëm kur të jetë ndalur. Në këtë mënyrë ju shmangni goditjen dhe mund ta ulni mjetin elektrik në mënyrë të sigurt.

Prisni që mjeti elektrik të ndalojë përpara se ta ulni. Mjeti i aplikimit mund të kapet dhe të çojë në humbjen e kontrollit mbi veglën elektrike.

Përdorni vetëm tehe sharre të padëmtuara dhe pa të meta. Tehët e sharrës të përkulura ose jo të mprehta mund të thyhen, të ndikojnë negativisht në prerje ose të shkaktojnë goditje.

Mos e frenoni tehun e sharrës pas fikjes duke shtypur anash. Tehu i sharrës mund të dëmtohet, të thyhet ose të shkaktojë një goditje prapa.

Shtrëngoni fort materialin. Mos e mbështesni pjesën e punës me dorë ose me këmbë. Mos prekni objektet ose tokën me sharrën në punë e sipër. Ekziston rreziku i goditjes.

Përdorni pajisje të përshtatshme kërkimi, për të gjetur linjat e fshehura të shërbimeve ose konsultohuni me kompaninë lokale të shërbimeve. Kontakti me telat elektrikë mund të shkaktojë zjarr dhe goditje elektrike. Dëmtimi i një linje gazi mund të shkaktojë një shpërthim. Depërtimi në një tub uji shkakton dëme materiale.

Nëse bateria është dëmtuar ose përdoret në mënyrë jo të duhur, mund të dalin avuj. Bateria mund të digjet ose të shpërthejë. Dilni në ajër të freskët dhe flisni me një mjek në rast se keni shqetësime. Avujt mund të irritojnë sistemin e frymëmarrjes.

Mos e hapni baterinë. Ekziston rreziku i një qarku të shkurtër.

Bateria mund të dëmtohet nga objekte të mprehta të tilla si gozhdë ose kaçavida ose nga forca të jashtme. Mund të ndodhë një qark i shkurtër i brendshëm dhe bateria mund të digjet, të nxjerë tym, të shpërthejë ose të mbinxehet.

Përdorni baterinë vetëm në produktet e prodhuesit. Vetëm kështu mund të mbroni baterinë nga mbingarkesat e rrezikshme.

Mbroni baterinë nga nxehtësia, p.sh. nga ekspozimi i vazhdueshëm në diell, zjarri, papastërtia, uji dhe lagështia. Ekziston rreziku i shpërthimit dhe i qarkut të shkurtër.