გამოყენების ინსტრუქცია

  • მსუბუქი სამშენებლო მასალების გახერხვისას, დაიცავით საკანონმდებლო მოთხოვნები და მასალის მწარმოებლის მოთხოვნები.

ხის, დსპ-ს, საშენი მასალები და სხვა ხერხვის წინ, შეამოწმეთ ისინი უცხო საგნების, როგორიცაა ლურსმნების, ხრახნების და ა.შ. არსებობაზე, გამოიყენეთ შესაბამისი სახერხი პირი.

ჩართეთ ელექტროხელსაწყო და გაწიეთ ნამზადისკენ.დააყენეთ საყრდენი ფირფიტა (2) ნამზადის ზედაპირზე და გახერხეთ მასალა თანაბარი ზეწოლით და მიწოლით. მუშაობის დასრულებისას გამორთეთ ელექტროხელსაწყო.

ხერხის პირის გაჭედვის შემთხვევაში მაშინვე გამორთეთ ელექტროხელსაწყო.ოდნავ განაცალკევეთ ნახერხი შესაბამისი ინსტრუმენტით და გამოწიეთ ელექტროხელსაწყო.

საყრდენი ფირფიტა (2) ერგება ზედაპირის საჭირო კუთხურ პოზიციას საკუთარი მობილურობის წყალობით.

გამოსაყენებელი სახერხი დისკის და გამოყენების პირობებიდან გამომდინარე, შესაძლებელია საყრდენი ფირფიტის (2) ნელი გადაადგილება გრძივი მიმართულებით.

მოუშვით სჭვალები (13) შიდა ექვსწახნაგიანი გასაღების მეშვეობით (5) და გადაწიეთ საყრდენი ფირფიტა (2) საჭირო პოზიციაში. ისევ მოუჭირეთ სჭვალებს და დარწმუნდით, რომ საყრდენი ფირფიტა მყარად არის დაყენებული.

  • ჩაღრმავებით რეჟიმის დროს შეგიძლიათ ხერხოთ მხოლოდ რბილი მასალა, როგორიცაა ხე, თაბაშირმუყაო და ა.შ.! არ დაამუშავოთ ლითონის მასალები ჩაღრმავებითი ხერხვით!

ჩაღრმავებით ხერხვისთვის გამოიყენეთ მხოლოდ მოკლე ხერხის პირები.

დადეთ ელექტროხელსაწყო საყრდენი ფირფიტის ნაწიბურით (2) ნამზადზე, ამასთან ხერხის პირი არ უნდა ეხებოდეს ნამზადს (1), და ჩართეთ ელექტროხელსაწყო. თუ ელექტროხელსაწყოს აქვს სვლის სიხშირის რეგულატორი, დააყენეთ მაქსიმალურზე. მყარად მიადეთ ელექტროხელსაწყო ნამზადს და სახერხი პირი ნელა ჩაუშვით ნამზადში.

როგორც კი საყრდენი ფირფიტა (2) სრული სიბრტყით დაჯდება ნამზადზე, გააგრძელეთ ხერხვა გრძივი მიმართულებით ხერხვის საჭირო ზოლზე.

გარკვეული სამუშაოების შესასრულებლად სახერხი პირი (1) შეგიძლიათ მოატრიალოთ 180° და ამოძრაოთ ელექტროხელსაწყო შესაბამისი ბრუნით.

მყარი ბიმეტალური სახერხი პირები შეგიძლიათ გამოიყენოთ მაგ.: კონსტრუქციის გამოშვერილი ელემენტების მოსაჭრელად, როგორიცაა წყლის მილები, უშუალოდ კედელზე.

  • სახერხი პირის სიგრძე უნდა აღემატებოდეს დასამუშავებელი დეტალის დიამეტრს. არსებობს უკუ გამოგდების საშიშროება.

მიადეთ სახერხი პირი უშუალოდ კედელს და ოდნავ მოხარეთ, ელექტროხელსაწყოს გვერდზე ზეწოლით, სანამ საყრდენი ფირფიტა არ მიეყრდნობა კედელში. ჩართეთ ელექტროხელსაწყო და გახერხეთ დასამუშავებელი დეტალი მუდმივი გვერდითა ზეწოლით.

ჩამოსაკიდი კავის მეშვეობით (6) ელექტროხელსაწყო შეგიძლიათ ჩამოკიდოთ, მაგალითად, კიბეზე. ამისთვის აწიეთ ჩამოსაკიდი კავი საჭირო პოზიციაში.

  • თუ ელექტროხელსაწყო ჩამოკიდებულია, უზრუნველყავით სახერხი პირის დაცვა უნებლიე შეხებებისგან. არსებობს ტრავმირების საფრთხე.

ელექტროხელსაწყოთი მუშაობის უზრუნველსაყოფად, მოატრიალეთ ჩამოსაკიდი კავი (6) უკან ადგილზე.

ლითონის ხერხვისას მისი ძლიერი გაცხელების გამო უნდა წაუსვათ გამაგრილებელი საპოხი გახერხვის ჭრილის სიგრძეზე.