Қосымша қауіпсіздік және жұмыс нұсқаулары

• Электр құралында кез келген жұмыстарды (мысалы, техникалық қызмет көрсету, құралды алмастыру және т.б.) орындау алдында және оны тасымалдау және сақтау кезінде айналу бағытын ауыстырып-қосқышты ортаңғы күйге жылжытыңыз. Ажыратқышты кездейсоқ басқан жағдайда жарақат алу қаупі туындайды.

• Егер алмалы-салмалы аспап бұғатталса, электр құралын өшіріңіз. Алмалы-салмалы аспапты босатыңыз.

• Бұғатталған бұрғылау құралын қосқан кезде, жоғары реактивті күш пайда болады.

• Кездейсоқ іске қосылуға жол бермеңіз. Аккумуляторды салудан алдын ажыратқыштың өшірулі күйінде болғанына көз жеткізіңіз. Электр құралын саусақты ажыратқышқа қойып тасымалдау немесе қосулы электр құралына аккумуляторды салу жазатайым оқиғаларды тудыруы мүмкін.

• Аккумуляторлық дрель-шуруп бұрауыштың пайдалану бойынша нұсқаулығындағы қауіпсіздік техникасының нұсқауларын оқып шығыңыз және қатал ұстаныңыз.

• Әрдайым тұрақтылығыңызды қадағалаңыз. Электр құралын саты сияқты биік орналасқан жерде пайдаланған кезде өзіңіздің астында ешкім болмағанына көз жеткізіңіз.

• Пайдаланғаннан кейін еш жағдайда алмалы-салмалы аспапты немесе электр құралын алмалы-салмалы аспаптың жанында ұстамаңыз, олар қатты қызуы мүмкін. Күю қаупі бар.