Бұрғылау станинасын монтаждау

Бұрғылау бағанын (20) тік күйге келтіріңіз. Астыңғы бұранданы (24) орнатыңыз (графикалық беттегі суретті қараңыз). Астыңғы бұранданы (24) тартып, жоғарғы бұранданы (21) айыр тәрізді кілтпен (кілт ені 17 мм) бекітіңіз. Қыспа гайканы (27) айыр тәрізді кілтпен (кілт ені 24 мм) тартып қойыңыз.

Айналатын кресттің (17) үш қапсырмасын айналатын кресттің орта төлкесіне тірелгенше бұрап кіргізіңіз.

Айналатын крест (17) бұрғылау кезінде қос иін ретінде қызмет етеді.

Бұрғылау үшін айналатын крестті қажетінше тегершікке (28) солға немесе оңға тірелгенше жылжытыңыз. Айналатын крестті алып тастау үшін қатты тартып шешіңіз.

Алғаш рет қолданысқа енгізбес бұрын бекіткіш тежегішті (29) тегершік (28) астындағы бос бұрандалы саңылауға бұрап енгізіңіз.

Бұрғылау станинасындағы барлық жұмыстар үшін, жұмыс үзілістерінде және пайдаланбаған кезде берілісті бұғаттаңыз. Ол үшін бекіткіш тежегішті (29) бұрап қойыңыз.

Бұрғылау үшін бекіткіш тежегішті (29) айналатын крест (17) аздап жылжитындай етіп босатыңыз. Бұл ретте электр құралының бақылаусыз сырғанап кетуіне жол бермеу үшін айналатын крестті қатты ұстап алыңыз.