Совети при работењето
- При грубото брусење со композитни брусни средства секогаш користете ја заштитната хауба за брусење (9).
- Никогаш не ги користите брусните плочи за сечење за грубо брусење.
- При грубо брусење, заштитниот капак за брусење може (9) заедно со монтираниот поклопец за сечење (10) да дојде во контакт со делот што се обработува и да доведе до губење на контрола.
Со подесување на аголот од 30° до 40° при грубо брусење ќе добиете најдобри резултати при работењето. Поместувајте го електричниот алат напред и назад со умерен притисок. Притоа, делот што се обработува нема да се вжешти, да се ја промени бојата и нема да има бразди.
- Кога користите композитни плочи кои се одобрени и за сечење и за брусење, мора да се користи заштитниот капак за брусење (9) заедно со монтираниот поклопец за сечење (10).
- При брусење со ламелеста брусна плоча секогаш користете ја заштитната хауба за брусењето (9).
Со ламелестата брусна плоча во вид на лепеза (опрема) може да обработувате заоблени површини и профили. Ламелестите брусни плочи во вид на лепеза имаат подолг рок на употреба, пониско ниво на бучава и пониски температури при брусењето отколку вообичаените брусни плочи.
- При четкањето со плочеста четка секогаш користете ја заштитната хауба за брусење (9). Четкањето со лончеста четка/конусна четка може да се изврши без заштитна хауба.
- При работењето со лончеста или конусна четка секогаш монтирајте ја заштитата за рацете (16).
- Жиците на плочестите четки може да се заглават на заштитната хауба и да се скршат ако се надминат максимално дозволените димензии на плочестите четки.
Редоследот на монтажата може да се види на графичката карта.
Лончестата/конусната/плочестата четка со навој M14 мора да се наврти на вретеното за брусење додека цврсто не налегне на прирабницата на вретеното за брусење на крајот на навојот на вретеното за брусење. Затегнете ја лончестата/конусната/плочестата четка со вилушкаст клуч.
За прицврстување на плочестата четка со дијаметар 22,22 mm ставете ја приклучната прирабница со O-прстен (11) на вретеното за брусење (15), завртете ја тркалезната навртка (20) и затегнете ја со клучот со два отвори.
- При сечење метал со композитен диск за сечење или со дијамантски диск за сечење, секогаш користете го заштитниот капак за брусење (9) заедно со монтираниот поклопец за сечење (10).
- При употребата на заштитна хауба за брусење (9) за сечење со композитен диск за сечење постои голем ризик да бидете изложени на искри и честички како и делови од дискот при кршење на дискот.
При сечењето со брусни плочи секогаш работете со умерено поместување нанапред по материјалот. Не правете притисок на брусната плоча за сечење, не навалувајте и не осцилирајте.
Не ги блокирајте брусните плочи за сечење што излегуваат со страничен противпритисок.
Електричниот алат секогаш мора да се води во спротивен правец на движење. Инаку постои опасност, тој неконтролирано да се истисне од резот. При сечење на профили и четириаголни цевки, најдобро е да поставите на најмалиот пресек.
- При сечење камен со композитен диск за сечење или со дијамантски диск за сечење за камен/бетон, секогаш користете го заштитниот капак за брусење (9) заедно со монтираниот поклопец за сечење (10).
- При сечењето во камен погрижете се за доволно вшмукување на правта.
- Носете маска за заштита од прав.
- Електричниот алат смее да се користи само за сечење/брусење на суви материјали.
- При употреба на заштитниот капак за брусење (9) или заштитниот капак за сечење (9) со монтираниот поклопец за сечење (10) за сечење и брусење во бетон или ѕидни конструкции, постои зголемена изложеност на прашина и зголемен ризик од губење контрола над електричниот алат, што може да доведе до повратен удар.
За сечење на камен најдобро е да употребите дијамантска брусна плоча за сечење.
При сечење на особено цврсти материјали на пр. бетон со чакал, дијамантскиот диск за сечење може да се прегрее и да се оштети. Венецот од искри кој кружи околу дијамантскиот диск за сечење јасно укажува на тоа.
Во таков случај прекинете го процесот на сечење и оставете го кратко дијамантскиот диск за сечење во празен од при највисок број на вртежи, за да се олади.
Значителното попуштање во работата и венецот од искри кој кружи се знаци за отапена дијамантска брусна плоча. Може повторно да ја наострите со кратки резови во абразивен материјал, на пр. силикатен камен.