Saugfix көмегімен шаң сору (керек-жарақ)

Шаң сору үшін Saugfix (керек-жарақ) қажет болады. Бұрғылау кезінде Saugfix артқа серпіледі, осылайша Saugfix бастиегі әрдайым түбінде болады.

• Тереңдік шектегішін реттеу түймесін (12) басып, тереңдік шектегішін (13) шығарып алыңыз. (12) түймесін қайтадан басып, Saugfix тетігін алға қарай қосымша тұтқаға (14) орнатыңыз.
• Сорғыш шлангіні (диаметрі 19 мм, керек-жарақ) Saugfix кіріс саңылауына (22) жалғаңыз.

Шаңсорғыш өңделетін дайындамаға сәйкес келуі тиіс.

Денсаулыққа зиянды, обыр туғызатын немесе құрғақ шаңдар үшін арнайы шаңсорғышты пайдаланыңыз.

Қажетті бұрғылау тереңдігін X Saugfix орнатылған кезде де реттеуге болады.

• SDS-plus алмалы-салмалы аспабын SDS-plus құрал бекіткішіне (3) тірелгенше жылжытыңыз. Кері жағдайда SDS-plus құралының жылжу әрекеттері қате бұрғылау тереңдігінің орнатылуына әкелуі мүмкін.
• Saugfix тетігіндегі қатпарлы бұранданы (26) бұрап босатыңыз.
• Электр құралын қоспай жұмыс бетіне тұрақты етіп орнатыңыз. Бұл ретте SDS-plus алмалы-салмалы аспабы бетке қонуы тиіс.
• Saugfix бағыттауыш құбырын (27) ұстағышында Saugfix бастиегі бұрғыланатын бетте орналасатындай етіп жылжытыңыз. Телескоптық құбырдағы (25) шкаланың көп бөлігі көрінуі үшін, бағыттауыш құбырды (27) телескоптық құбырда (25) одан ары жылжытпаңыз.
• Қатпарлы бұранданы (26) қайтадан бұрап бекітіңіз. Saugfix тереңдік шектегішіндегі қысқыш бұранданы (23) бұрап босатыңыз.
• Телескоптық құбырдағы (25) тереңдік шектегішін (24) суретте көрсетілген X арақашықтығы қажетті бұрғылау тереңдігіне сәйкес болатындай етіп жылжытыңыз.
• Қысқыш бұранданы (23) осы күйде бұрап бекітіңіз.